Chinmai: టాలీవుడ్ లో లేడీ సూపర్ స్టార్ గా నయనతార పేరుపొందారు. తాజాగా ఆమె నటించి, నిర్మించిన సినిమా ‘కనెక్ట్’ విడుదలై మంచి టాక్ ను సొంతం చేసుకుంటోంది. తెలుగు, తమిళ భాషల్లో ఈ సినిమా రిలీజ్ అయ్యి హిట్ తో దూసుకుపోతోంది. సాధారణంగా తన సినిమా ప్రమోషన్లలో నయనతార కనిపించదు. అయితే తాజాగా సినిమాకు సంబంధించిన ప్రమోషన్లలో నయన్ కూడా యాక్టివ్‌గా పాల్గొన్నారు. నయనతారకు సంబంధించిన ఫొటోలు, వీడియోలు ప్రస్తుతం సోషల్ మీడియాలో వైరల్ అవుతున్నాయి.
ఈ ఈవెంట్లో నయనతార వేసుకున్న దుస్తులపై నెటిజన్స్ కామెంట్స్ చేస్తున్నారు. దానిపై ప్రముఖ గాయని, ఫెమినిస్ట్ చిన్మయి శ్రీపాద కూడా రియాక్ట్ అయ్యారు. ఆమె పలు కామెంట్స్ చేస్తూ కొన్ని స్క్రీన్ షాట్లను తన ఇన్ స్టాగ్రామ్ స్టోరీలో పోస్టు చేశారు. ‘ఈ పోస్టు కింద కామెంట్లు చూసి మాట్లాడండి. అందరూ కూాడా వక్రబుద్ధితో ఆలోచించేవారే. సైట్ కామెంట్స్‌ను మోడరేట్ చేయకపోవడం మంచిది అయ్యిందని, కామెంట్స్ చేసిన వారిలో ప్రమాదకరమైన వారు ఎవరో మనకు సులభంగా తెలుస్తుందని చిన్మయి రియాక్ట్ అయ్యారు.
నయనతారపై వస్తున్న కామెంట్స్ కు మరో ఫెమినిస్ట్ అయిన స్వాతి జగదీష్ కూడా రియాక్ట్ అయ్యారు. నయనతార, తన భర్త, తన సెక్స్ లైఫ్, తన అవయవాలపై కామెంట్ చేసేవారి జీవితంలో ఉన్న మహిళల విషయంలో నేనెంతో జాలి పడుతున్నాను అని ఆమె స్పందించారు. ప్రత్యేకించి వారి జీవితంలోని మహిళా స్నేహితుల గురించి బాధపడుతున్నాను అని ఆమె కామెంట్ చేశారు.
తనకు ఒక సెక్స్ ఎడ్యుకేషన్ పేజీ ఉందని, తన పేజీలో ఫేక్ అకౌంట్లతో కామెంట్లు చేస్తున్న వెధవలందరూ తన పేజీని ఫాలో అవ్వండంటూ ఆమె రియాక్ట్ అయ్యారు. అయితే తన కామెంట్ ఉన్నట్లుండి పోస్టు నుంచి మాయం అవ్వడంతో దానిపై చిన్మయి శ్రీపాద మళ్లీ స్టోరీ పోస్టు చేశారు. ట్రోల్స్ కనిపిస్తున్నాయి కానీ, ఒక సెక్స్ ఎడ్యుకేటర్ కామెంట్‌ను డిలీట్ చేశారని ఆ పేజీపై నెటిజన్లు షాకింగ్ కామెంట్స్ చేశారు.
