Bedroom: అప్పుడప్పుడు భార్యాభర్తల మధ్య జరిగే గొడవలు ఎక్కడికో దారి తీస్తాయి. ఎలాంటి కారణాలు లేకున్నా గొడవలు జరుగుతుంటాయి. పెద్దలు సర్ది చెప్పినా కొన్ని రోజుల వరకు బాగానే ఉన్నా.. మళ్లీ పరిస్థితి మొదటికి వస్తోంది. ఎలా ఎందుకు జరుగుతుందోనని తెలియక చాలా మంది దంపతులు ఇబ్బందులు పడుతుంటారు. అయితే ఇలా జరగడానికి వాస్తులు కూడా కారణమవుతాయని జ్యోతిష్యులు చెబుతుంటారు. భాగస్వామితో సంతోషకరమైన సంబంధం, అవగాహన, అనుకూలత, బంధాన్ని కలిగి ఉండటానికి మీ పడకగది, వంటగది సహా మొత్తం ఇంట్లో శక్తి సమతుల్యతను కలిగి ఉండటం చాలా ముఖ్యమని వాస్తు నిపుణులు చెబుతున్నారు.
వాస్తు ప్రకారం భార్యభర్తల బెడ్రూమ్ ఆగ్నేయ దిశలో ఉండకూడదట. ఆగ్నేయం అగ్నిదేవుడి నివాసం ఇది శాంతికి ఆటంకం కలిగిస్తుంది. అంతేకాక ఇరువురిని కోపోద్రిక్తులను చేసేందుకు దారి తీస్తోంది. ఆగ్నేయ దిశలో భాగస్వామితో సంభాషణ చేయవద్దు. ఇలా చేయడం వల్ల మీ భాగస్వామితో తగాదాలు, అనవసర వాదనలు పెరుగుతాయి. ఉత్తర వాయువ్య దిశలో ఉన్నప్పుడు భాగస్వామితో శృంగార సంభాషణ చేయాలి. కొత్తగా పెళ్లయిన జంట పడకగది ఉత్తర వాయువ్య దిశలో ఉండాలి. ఇంటిలో పెద్దవారి పడకగది దక్షిణ దిశలో ఉండాలి.