Garlic Benefits: మన వంటింట్లో ఎక్కువగా దొరికే వాటిల్లో వెల్లుల్లి కూడా ఒకటి. ఎన్నో ఆరోగ్య ప్రయోజనాలతో ఘాటైన వాసనను కలిగి ఉన్న ఈ వెల్లుల్లిని మనం తరచుగా కూరల్లో ఉపయోగిస్తూ ఉంటాము. ఈ వెల్లుల్లిని ఒక్కొక్క ప్రదేశంలో ఒక్కొక్క విధంగా పిలుస్తూ ఉంటారు. ఈ వెల్లుల్లిని తెల్లగడ్డ, ఎల్లిగడ్డ, ఎల్లిపాయ, తెల్లవాయ ఇలా ఒక్కో ప్రదేశంలో ఒక్కొక్క విధంగా పిలుస్తారు. అయితే ఈ వెల్లుల్లికి ఆయుర్వేదంలో కూడా ఒక ప్రత్యేకమైన స్థానం ఉంది. దీనిని ఎప్పటినుంచో శాస్త్రవేత్తలు ఆరోగ్య ప్రయోజనాల కోసం ఉపయోగిస్తూనే ఉన్నారు.
ఈ వెల్లుల్లి కొలెస్ట్రాల్ స్థాయిని తగ్గిస్తాయి. అలాగే ఈ వెల్లుల్లి వల్ల గుండె సంబంధిత వ్యాధుల నుంచి కూడా బయట పడవచ్చు. వెల్లుల్లి యాంటీ బయోటిక్ గా కూడా పనిచేస్తుంది. వెల్లుల్లిని మధుమేహం ఉన్న. వారు తినడం వల్ల అది చక్కెర స్థాయిని కంట్రోల్ చేస్తుంది. కొలెస్ట్రాల్ వెల్లుల్లి రోజుకో రెమ్మను తినడం అలవాటు చేసుకుంటే రక్తంలో కొలెస్ట్రాల్ స్థాయి తగ్గించవచ్చు. కొలెస్ట్రాల్ నియంత్రణలో వెల్లుల్లి అద్బుతంగా పనిచేస్తుంది. అంతేకాకుండా వెల్లుల్లి వల్ల ఇంకా ఎన్నో రకాల ప్రయోజనాలు ఉన్నాయి.
జీర్ణక్రియ రోజూ ఒక వెల్లుల్లి రెమ్మను తినడం వల్ల గ్యాస్ట్రిక్ పీహెచ్‌లో మెరుగుదల ఉంటుంది. ఫలితంగా జీర్ణక్రియను మెరుగుపర్చడంలో దోహదమౌతుంది. అంతేకాకుండా చాలా రకాల అనారోగ్య సమస్యలు కూడా తగ్గుతాయి. అధిక రక్తపోటు వెల్లుల్లి రక్తపోటు తగ్గించడంలో అద్భుతంగా ఉపయోగపడుతుంది. రోజూ ఉదయం పరగడుపున వెల్లుల్లి ఒక రెమ్మ తింటే రక్తపోటు నియంత్రణలో ఉంటుంది. ప్రతి రోజూ క్రమం తప్పకుండా తీసుకోవాలి. ఒత్తిడి వెల్లుల్లి ఆరోగ్యానికి చాలా మంచిది. రోజూ పరగడుపున ఒక వెల్లుల్లి రెమ్మ తినడం అలవాటు చేసుకుంటే మానసిక ఒత్తిడి దూరం చేయవచ్చు.
స్వెల్లింగ్ వెల్లుల్లిలో స్వెల్లింగ్ దూరం చేసి ఇమ్యూనిటీని పెంచే గుణాలున్నాయి. మీకు తరచూ వేళ్ల నొప్పులు బాధిస్తుంటే రోజుకో వెల్లుల్లి రెమ్మను తింటే అద్భుతంగా ఉపశమనం లభిస్తుంది.
