Pawan kalyan: పవర్ స్టార్ పవన్ కళ్యాణ్‌కు తెలుగు రాష్ట్రాల్లో ప్రత్యేకమైన ఫ్యాన్ బేస్ ఉంది. రెబల్ స్టార్ ప్రభాస్‌కు తెలుగు రాష్ట్రాలతోపాటు వరల్డ్ వైడ్ ఫ్యాన్స్ ఉన్నారు. ఈ ఇద్దరూ హీరోలు కైండ్ హార్టెడ్ పర్సన్. తమ అభిమానులకు ఏ చిన్న కష్టం వచ్చిందని తెలిసినా.. వారిని ఆదుకుంటూ ఉంటారు. ప్రస్తుతం వీరిద్దరూ కొన్ని వారాల వ్యవధిలోనే బాలయ్య వ్యాఖ్యాతగా వ్యవహరిస్తున్న ‘అన్‌స్టాపబుల్’ షోలో సందడి చేయనున్నారు. అయితే వీరిద్దరూ విడివిడిగా.. వేరే వేరే ఎపిసోడ్‌లో కనిపించనున్నారు. ప్రభాస్-గోపీచంద్‌తో కలిసి షోకి రానుండగా.. పవన్ కళ్యాణ్- డైరెక్టర్ క్రిష్ షోలో సందడి చేయనున్నారు. పవన్ కళ్యాణ్, ప్రభాస్ ఇద్దరూ షోకి రానుండటంతో ప్రేక్షకుల్లో అంచనాలు భారీగా పెరిగాయి.
అయితే బాలయ్య-పవన్ కళ్యాణ్ ఎపిసోడ్ షూట్ ఈ నెల 27వ తేదీన జరగనుంది. మెగా-నందమూరి హీరోల కాంబినేషన్‌లో టాక్ షో జరగడం ఈ ఎపిసోడ్‌కు మరింత స్పెషల్‌గా మారనుంది. బాలయ్య ఎలాంటి కొషన్స్ వేస్తారు? వాటికి పవన్ కళ్యాణ్ ఏ విధంగా జవాబిస్తారనేది ఆసక్తికరంగా మారింది. అయితే పవన్ కళ్యాణ్ ఇంటర్వ్యూలకు చాలా దూరంగా ఉంటారు. అలాంటిది టాక్ షోకి వస్తాడని తెలియడంతో ప్రేక్షకులు కూడా ఎక్సైట్‌మెంట్‌కు లోనవుతున్నారు. ఈ ఎపిసోడ్ సంక్రాంతి కానుకగా స్ట్రీమింగ్ అయ్యే అవకాశాలు కనిపిస్తున్నాయి. త్వరలో స్ట్రీమింగ్ డేట్‌ను కూడా ఆహా యూనిట్ విడుదల చేయనుంది.
ఈ క్రమంలో పవన్ కళ్యాణ్‌కు సంబంధించి ఓ వార్త వైరల్ అవుతోంది. 2019 ఎన్నికల తర్వాత పవన్ కళ్యాణ్ ఎక్కువగా రిమేక్ సినిమాలు చేశారు. దాంతో పవన్ కళ్యాణ్‌పై తీవ్ర వ్యతిరేకత ఏర్పడింది. నెటిజన్లు కూడా నెగిటివ్ కామెంట్లు చేస్తున్నారు. ‘తెరి’ రీమేక్ విషయంలోనూ అదే అసంతృప్తి కొనసాగుతోంది. ఈ కామెంట్లను దృష్టిలో పెట్టుకుని పవన్ కళ్యాణ్ షోపై స్పందించే అవకాశం ఉందని ప్రచారం జరుగుతోంది. రీమేక్ సినిమాల విషయంపై ఘాటుగానే జవాబు ఇవ్వనున్నట్లు సమాచారం. కాగా, మరోవైపు బాలయ్య.. పవన్ కళ్యాణ్‌కు అడగాల్సిన ప్రశ్నలను కూడా సిద్ధం చేసినట్లు తెలుస్తోంది.
