Onions: సాధారణంగా ఉల్లి చేసే మేలు తల్లి కూడా చేయదు అనే సామెతను వినే ఉంటాం. ఎందుకంటే ఉల్లిపాయ వల్ల ఎన్నో రకాల ఆరోగ్య ప్రయోజనాలు ఉన్నాయి. ఉల్లిపాయను డైరెక్టుగా అయినా తినవచ్చు లేదంటే ఏదైనా వంటలో రూపంలో అయినా కూడా తీసుకోవచ్చు. ఉల్లిపాయ ను తరుచూ తీసుకోవడం వలన రక్తము శుద్ధి అవుతుంది. శ్వాసక్రియకు ఇబ్బంది కలిగించే ఆయాసము, జలుబు వంటి ఊపిరితిత్తుల వ్యాధుల నుండి బయటపడవచ్చు.
ఉల్లిపాయను తరిగేటప్పుడు కళ్ళ వెంట నీరు రావడం అన్నది సహజం. కానీ అలా నీళ్ళు రావడం వలన కళ్ళు శుభ్రపడతాయి. అంతే కాకుండా ఉల్లిపాయను ప్రతిరోజు తీసుకోవడం వల్ల ఇంకా ఎన్నో రకాల ఆరోగ్య ప్రయోజనాలు ఉన్నాయి. ఇందులో విటమిన్ ఎ, బి6, సి పుష్కలంగా లభిస్తాయి. ఇవి శరీరాన్ని ఇన్ఫెక్షన్ ప్రమాదం నుంచి సులభంగా రక్షిస్తాయి. అయితే ఉల్లిపాయల వల్ల మధుమేహం కూడా సులభంగా నియంత్రణలో ఉంటుంది. ఉల్లిపాయ మధుమేహంతో బాధపడుతున్నవారికి చాలా ప్రభావవంతంగా సహాయపడుతుంది.
ప్రతి రోజు ఒక్క ఉల్లిపాయను తినడం వల్ల రక్తంలో చక్కెర పరిమాణాలు కూడా సులభంగా తగ్గుతాయి. దీంతో మధుమేహం కూడా నియంత్రణలో ఉంటుంది. ఉల్లిపాయలు శరీరంలో మంటను తగ్గించడానికి సహాయపడే చాలా రకాల గుణాలుంటాయి. అంతేకాకుండా వీటిల్లో యాంటీఆక్సిడెంట్లు పుష్కలంగా ఉంటాయి. ఇవి శరీరంలో మంటను తగ్గించడానికి సహాయపడుతుంది. అంతేకాకుండా చాలా రకాల అనారోగ్య సమస్యల నుంచి ఉపశమనం కలిగిస్తుంది.
