Good Habits: సమాజంలో చాలామంది వ్యక్తులు తిన్నామా, పడుకున్నామా, తెల్లారిందా అన్నట్లుగా సమాజంతో సంబంధం లేకుండా బ్రతికేస్తూ ఉంటారు. అయితే ఒక గొప్ప వ్యక్తికి ఉండవలసిన అలవాట్లు అవి కాదు. మీరు ఒక గొప్ప వ్యక్తి అవ్వాలి, సమాజంతో సంబంధాన్ని కలిగి ఉండాలి అంటే మీరు ఈ లక్షణాలని కలిగి ఉండాలి. ఒక మంచి మనిషి ముందు తన గురించి తాను ఆలోచించుకొని అప్పుడు సమాజం గురించి ఆలోచించాలి. ముందుగా మనల్ని మనం ప్రేమించుకుంటేనే సమాజాన్ని ప్రేమించగలం అనే విషయాన్ని గుర్తు పెట్టుకోండి.
ముందు తన ఆరోగ్యం గురించి తన కుటుంబం గురించి తన ఆహార్యం గురించి ఆలోచించాలి. తనపై తాను తగినంత శ్రద్ధ తీసుకోవాలి. ఉదయాన్నే లేచే అలవాటు చేసుకోండి. తగినంత వ్యాయామం చేస్తూ శరీరాన్ని మనసుని కూడా ఆరోగ్యంగా ఉంచుకోవాలి. ఆపై సమయం కుదిరినప్పుడు పుస్తక పఠనం చెయ్యాలి. మీకు ఎవరైనా సహాయం చేసినట్లయితే వెంటనే కృతజ్ఞతలు తెలియజేయండి. అలాగే మీకు సమయం ఉంటే పక్క వారికి సాయం చేయండి.
ఎప్పుడూ మౌనంగా ఉండకుండా మంచి విషయాలను ఇతరులతో చర్చిస్తూ ఉండండి. దాని వలన సమాజం పట్ల మీకున్న అవగాహన పెరగటంతో పాటు మీ గురించి పదిమందికి ఒక అవగాహన వస్తుంది. అలాగే తిన్నామా,పడుకున్నామా అని కాకుండా రొటీన్ కి భిన్నంగా రోజుని గడపటానికి ప్రయత్నించండి. ఒక హాబీని ఏర్పరచుకొని ఖాళీ సమయాలలో ఆ పని చేసినట్లయితే మీరు కచ్చితంగా బెటర్ పర్సన్ అయినట్లే. అలాగే ప్రతిరోజు దైవచింతన మనిషికి ఎంతో అవసరం.
ఎందుకంటే జీవితం ఔషధాలపై మాత్రమే ఆధారపడదు. ఆధ్యాత్మికత అనేది మనసుకి వ్యాయామం వంటిది. మానసిక ఆరోగ్యమే మంచి జీవనానికి మూలం. అలాగే ఎవరైనా ఏదైనా మంచి పని చేసినప్పుడు మంచి మనసుతో ప్రోత్సహించండి. ఒక చిన్న ప్రోత్సాహం అవతలి వారిలో ఎంతో మానసిక బలం నింపుతుంది. అలాగే ఎప్పుడూ సంతోషంగా ఉండటానికి ప్రయత్నించండి. పక్కనే ఉన్న వాళ్ళని సంతోషంగా ఉంచేలాగా ప్రవర్తించండి. ఇలాంటి మంచి లక్షణాలు కలిగి ఉన్న ఒక వ్యక్తి ఎప్పుడూ బెటర్ పర్సనే అవుతాడు.
