లైంగిక వేధింపులకు పాల్పడే వారికి గరుడ పురాణం ప్రకారం దారుణమైన శిక్షలు ఉన్నాయి. మరి ఆ శిక్షలు ఏంటో ఇప్పుడు మనం తెలుసుకుందాం.. పుయోదకం.. పురుషులు లేదా స్త్రీలు ఎవరైనా ఎవరినీ అయినా అత్యాచారం చేసినా, లైంగికంగా వేధించినా నరకంలో విధించే శిక్ష ఇది. ఒక పెద్ద బావిలో మలం, మూత్రం, రక్తం, శ్లేష్మం నింపి అందులో ఆ వ్యక్తులను పడేస్తారు. వాళ్లు ఎప్పటికీ ఆ బావిలోనే ఉండిపోవడమే. మరో శిక్ష సల్మలి.. వివాహేతర సంబంధాలు పెట్టుకునే స్త్రీ, పురుషులకు నరకంలో యమభటులు విధించే శిక్ష సల్మలి.
బాగా వేడి చేసిన ఒక ఇనుప స్తంభాన్ని నగ్నంగా కౌగిలించుకోమని చెప్పి యమభటులు కొరడాలతో కొడుతూ ఉంటారు. మరో శిక్ష వజ్రకంఠకసలి.. లైంగిక వాంఛ తీర్చుకునేందుకు జంతువులను కూడా వదలని దుర్మార్గులు కూడా ఉన్నారు. ఇలాంటి వ్యక్తులకు నరకంలో విధించే శిక్ష వజ్రకంఠసలి. సూదుల్లాంటి పెద్ద పెద్ద లోహాలను శరీరంలోకి గుచ్చి వారిని గాలిలో వేలాడదీసి శరీరాన్ని ఛిద్రం చేస్తారు. లలాభక్షం.. స్త్రీలను కామంతో చూసే వారికి నరకంలో విధించే శిక్ష లలాభక్షం. కుళ్లిపోయిన వీర్యంతో నిండిన సముద్రంలో పాపులను పడేసి ఎప్పటికీ అందులోనే ఉంచుతారు.