Avatar 2: అవతార్ 2 సినిమా కోసం అందరూ ఎంతో ఆశతో ఎదురుచూశారు. ఎట్టకేలకు అవతార్ 2 సినిమా రిలీజ్ అయ్యింది. ప్రపంచంలోని సినీ అభిమానులంతా వేయి కళ్లతో అవతార్ 2 సినిమా కోసం ఎదురుచూడసాగారు. టీజర్, ట్రైలర్ అద్భుతంగా ఉండటంతో ఈ సినిమాను ఎలాగైనా చూడాలనుకుని చాలా ఉంది ఉండేవారు. ఎట్టకేలకు ఈ సినిమా విడుదలైంది. అయితే అవతార్ 2 కథ అంతగా లేదు. ఇది ఫ్యాన్స్ ను కాస్త నిరాశపరిచింది. కథ, కథనాలు అనేవి ఎన్నో చిత్రాల్లో కనిపించాయని కొందరు అసహనం వ్యక్తం చేస్తున్నారు.
అవతార్ 2 సినిమా విజువల్స్ పరంగా సూపర్ డూపర్ హిట్ అయ్యింది. ఇంకెవ్వరూ కూడా ఇలాంటి విజువల్ వండర్ ను క్రియేట్ చేయలేరు. ఇలాంటివి తీయాలంటే అది కేవలం జేమ్స్ కామెరాన్ వల్లే సాధ్యమవుతుంది అనడంలో అతిశయోక్తి లేదు. అయితే అవతార్ 2 సినిమా చాలా అంచనాల నడుమ విడుదలైనప్పటికీ కలెక్షన్లలో మాత్రం అంతగా రాబట్టలేదు. అవతార్ 2 కలెక్షన్లు అన్ని సినిమాల రికార్డులను బ్రేక్ చేస్తుందని అందరూ ఊహించారు.
అయితే రెండు తెలుగు రాష్ట్రాల్లోనూ అవతార్ 2 గత రికార్డులను బద్దలు కొట్టలేకపోయింది. అవెంజర్ ఎండ్ గేమ్ ఓపెనింగ్ డే రికార్డులను కూడా అవతార్ 2 సాధించలేకపోయింది. రెండు తెలుగు రాష్రాల్లో అయితే డబ్బింగ్ సినిమాల కేటగిరీలో కేజీయఫ్ ఎక్కువ కలెక్షన్లు సాధించి రికార్డు నెలకొల్పింది. అయితే కేజీయఫ్ చాప్టర్ 2 ఓపెనింగ్ డే రికార్డులను కూడా అవతార్ 2 బీట్ చేయలేక డీలా పడిపోయింది.
ఈ సంవత్సరంలో విడుదలైన కేజీయఫ్ చాప్టర్ 2 సినిమా రెండు తెలుగు రాష్ట్రాల్లో ఓపెనింగ్ డేకు రూ.31 కోట్లు వసూలు చేసింది. అయితే అవతార్ 2 మాత్రం కేవలం పద్నాలుగు కోట్లు మాత్రమే సాధించింది. దీంతో చివరకు కేజీయఫ్‌ని కూడా అవతార్ దాట లేకపోయిందని పలువురు పెదవి విరుస్తున్నారు. ఇండియా మొత్తంగా చూస్తే ఎండ్ గేమ్ రికార్డులను కూడా అవతార్ రెండో పార్ట్ సాధించలేకపోయింది.
