Husband-Wife: ఈ మధ్య విడాకుల కేసులు ఎక్కువైపోతున్నాయి. పచ్చని కాపురాల్లో చిన్న చిన్న గొడవలు, మనస్పర్థలు చిచ్చు పెడుతున్నాయి. చిన్న గొడవలకే మనస్తాపం చెంది విడిపోతున్నారు. పెళ్లైన కొద్దిరోజులకే పొసగక పెళ్లి బంధాన్ని తెంచేసుకుంటున్నారు. భార్యభర్తల మధ్య సరిగ్గా ప్రేమ లేకపోవడం, ఒకరినొకరు అర్థం చేసుకోకపోవడమే గొడవలకు కారణమని మానసిక నిపుణులు చెబుతున్నారు. ఒకరిపై ఒకరు ప్రేమ చూపించుకోకపోవడమే బంధాలు తెగిపోవడానికి కారణమని అంటున్నారు.
అయితే మీ భాగస్వామితో మీ ప్రేమను ఎప్పుడూ ఒకేలా ఉంచుకోవడావనికి ఏం చేయాలనే దానిపై మానసిక నిపుణులు కొన్ని సూచిస్తున్నారు. రోజు ఒకరిపై ఒకరిపై ఉన్న ప్రేమను వ్యక్తపరుచుకోవాలని చెబుతున్నారు. రోజు వారితో మాట్లాడేందుకు కొంత సమయాన్ని కేటాయించాలని, ఇలా మాట్లాడకపోతే సంబంధాలు దెబ్బ తింటాయని చెబుతున్నారు. కమ్యూనికేషన్ సంబంధాలను బలపరుస్తుందని, ఇద్దరి మధ్య సరైన కమ్యూనికేషన్ చాలా ముఖ్యమని చెబుతున్నారు.
అలాగే మీ భాగస్వామి చేసే పనులకు మద్దతు ఇవ్వాలని, దీని వల్ల వారిపై మీకు ఉన్న ప్రేమ అర్ధం అవుతుందని చెబుతున్నారు. మీ భాగస్వామి చేసే పనులకు నిజాయితీగా మద్దతు ఇవ్వాలని, అప్పుడే మీరు చూపిస్తున్న ప్రేమ వారికి అర్ధం అవుతుందని అంటున్నారు. అలాగే ఏవైనా సమస్యలు వచ్చినప్పుడు ఇద్దరూ కలిసి కూర్చుని మాట్లాడుకోవాలని, దీని వల్ల సమస్యలు వెంటనే తగ్గిపోతాయని అంటున్నారు.
సమస్యలు వచ్చినప్పుడు ఆలస్యం చేస్తే అవి మరింత పెరిగిపోయి గొడవలకు దారితీసే అవకాశం ఉంటుందని, దీంతో బంధాలు తెగిపోయే ప్రమాదం ఉంటుందని హెచ్చరిస్తున్నారు. అలాగే విహారయాత్రలకు వెళ్లడం, బయటకు వెళ్లి సరదాగా గడపడం వల్ల ఒకరి భావాలు ఒకరికి అర్ధం అవుతాయని, దీని వల్ల మీ భాగస్వామికి మీ ప్రేమ సులువుగా అర్ధం అవుతుందని మానసిక నిపుణులు చెబుతున్నారు.అలాగే భాగస్వామి ఎదుగుదలకు మద్దతు ఇవ్వాలని, దీని వల్ల ఇద్దరి మధ్య సంబంధం బలపడుతుంని చెబుతున్నారు. అలాగే భాగస్వామి చేసే మంచి పనులకు పొగుడుతూ ఉండాలని, దీని వల్ల బంధం మరింత పెరుగుతుందని అంటున్నారు. ఈ పనులు చేయడం వల్ల మీ భార్యకు మీపై ప్రేమ పెరుగుతుందని నిపుణులు చెబుతున్నారు.
