Nirupam Paritala: బుల్లితెరపై వచ్చే సీరియల్ యాక్టర్లలో డాక్టర్ బాబు అంటే తెలియని పేరు ఉండదు. కార్తీకదీపం సీరియల్ లో ఆ క్యారెక్టరు అంత ఇంపార్టెన్స్ ఉంది. నిరుపమ్ కు ఆ క్యారెక్టర్ తో మంచి పేరు వచ్చింది. ఇక బుల్లితెర స్టార్ కపుల్ గా కూడా మంజుల-నిరుపమ్ గురించి తెలియనవారుండరు. కార్తీకదీపం సీరియల్తో టీఆర్పీలు కొల్లగొట్టి బుల్లితెర హీరోగా మారాడు నిరుపమ్.
అటు ఆయన భార్య మంజుల కూడా పలు సీరియల్స్ లో నటనతో అదరగొడుతోంది. వీరిద్దరూ జంటగా పలు టీవీ షోల్లోనూ పాల్గొం టూ మంచిగానే సంపాదిస్తున్నారు. ఈ జోడీతో ఆ షోలలో స్పెషల్ అట్రాక్షన్ కూడా ఉంటుంది. తాజాగా వీరిద్దరూ తమకు కొత్త ఇళ్లు ఉ‍న్న విషయాన్ని బయటపెట్టారు. అంతేకాదు మంజుల ఆ ఇంటిని అంతా కలియ తిరిగి చూపించింది. ప్రస్తుతం ఇంటీరియర్ డిజైన్ పనులు నడుస్తుండగా అంతా పూర్తవగానే ఈ ఇంటికి షిఫ్ట్ కానున్నట్లు తెలుస్తోంది.
ఈ సందర్భంగా నిరుపమ్ మాట్లాడారు. ఈ ఇల్లు నాన్న బుక్ చేశారు. సినీ కార్మికుల కోసం ప్రభుత్వం మంజూరు చేసిన హౌసింగ్ సొసైటీ ద్వారా ఈ ఇల్లు వచ్చింది. నాన్న లేకపోవడంతో అది నాకు ట్రాన్స్ ఫర్ అయింది. అది బుక్ చేసి దాదాపు 18 ఏళ్లు అవుతుంది. ముందు 3 BHK అనుకున్నారు. తర్వాత దాన్ని డూప్లెక్స్ ఫ్లాట్ గా అప్డేట్ చేశారు. అలా అనేక కారణాల వల్ల పని ఆలస్యమవుతూ వచ్చింది. ఇన్నాళ్లకు ఇల్లు పూర్తవడానికి వచ్చిందని చెప్పాడు. ఏదైతేనేమి డాక్టర్ బాబు ఇంట్లోకి చేరబోతున్నారని ఫ్యాన్సు సంతోషం వ్యక్తం చేస్తున్నారు.
