Samantha: సమంత ప్రధాన పాత్రలో నటించిన తాజా చిత్రం శాకుంతలం. ఈ సినిమా ఎన్నో అంచనాల నడుమ పాన్ ఇండియా స్థాయిలో ప్రేక్షకుల ముందుకు వచ్చింది. ఇక ఈ సినిమా విడుదలకు ముందు సినిమాపై భారీ అంచనాలే ఉన్నాయి. అయితే విడుదల తర్వాత ఈ సినిమా ప్రేక్షకుల అంచనాలను ఏమాత్రం చేరుకోలేకపోయింది. ఇలా ఈ సినిమా మొదటి షో తోనే నెగిటివ్ టాక్ సొంతం చేసుకుంది.
సాధారణంగా లేడీ ఓరియంటెడ్ సినిమాలు అంటే నిర్మాతలు ధైర్యం చేసి ఖర్చులు చేయరు. కానీ శాకుంతలం సినిమా కథపై నమ్మకంతోను అలాగే సమంత హీరోయిన్గా నటించిన ఈ సినిమా కోసం దాదాపు 60 కోట్ల వరకు పెట్టుబడి పెట్టినట్టు తెలుస్తుంది.ఇక ఈ సినిమా మూడు రోజులు కలెక్షన్లు రాబట్టిన మూడు కోట్లు కూడా వసూళ్లు రాబట్టకపోవడం గమనార్హం.
ఇలా ఈ సినిమా డిజాస్టర్ కావడంతో ఎంతోమంది ఈ సినిమాపై సమంత నటనపై కామెంట్లు చేస్తున్నారు. ఈ సినిమా చూసిన కొందరు ఇకపై సమంత సినిమాలు చేయకపోవడమే మంచిది అంటూ కామెంట్లు చేస్తున్నారు.ఇక మరికొందరు ఈ సినిమాతో సమంత కెరియర్ ముగిసిపోయిందని ఇండస్ట్రీలో హీరోయిన్గా కొనసాగడం కష్టం అంటూ భావిస్తున్నారు. ఇలా 60 కోట్లు పెట్టుబడిగా పెట్టిన ఈ సినిమా అతిపెద్ద డిజాస్టర్ గా నిలిచిందని డిజాస్టర్ లో కూడా సరికొత్త రికార్డును సృష్టించినదని చెప్పాలి.
ఇక ఈ సినిమా గుణశేఖర్ దర్శకత్వంలో రావడమే కాకుండా గుణ టీమ్స్ బ్యానర్ పై నీలిమ గుణ ఈ చిత్రాన్ని నిర్మించగా దిల్ రాజు ఈ చిత్రాన్ని పంపిణీ చేశారు. ఇలా ఈ సినిమా కోసం అగ్ర దర్శకులు నిర్మాతలు అగ్రతార సమంత నటించినప్పటికీ ఈ సినిమా ఏ మాత్రం ఆదరణ నోచుకోలేక పోయింది. కంటెంట్ బలంగా ఉన్నప్పుడే చిన్న సినిమా అయినా పెద్దగా హిట్ అవుతుందని కంటెంట్ లేకపోతే కోట్లు పెట్టిన సినిమాని కూడా ప్రేక్షకులు ఆదరించరని మరోసారి సమంత నటించిన శాకుంతల సినిమా నిరూపించింది.
