బీజేపీనో.. టీడీపీనో తాను సీఎం పదవిని అడగబోనని ప్రకటించారు. షరతులు పెట్టి ముఖ్యమంత్రి స్థానాన్ని పొందలేమని స్పష్టం చేశారు. ప్రజలు కావాలని కోరుకుంటే సీఎం అవుతానన్నారు. గతంలో జరిగిన ఎన్నికలలో తనకు 30స్థానాలు కనుక ఇచ్చి ఉంటే తాను తప్పకుండా సీఎం రేసులో ఉండేవాడినని ఈ సందర్భంగా పవన్ కళ్యాణ్ తెలియచేశారు. మన బలం చూసి పదవి కోరుకోవాలని పవన్ కళ్యాణ్ తెలియచేశారు.
జనసేనకు పట్టు ఉన్న ప్రాంతాలలో 30శాతం ఓటింగ్ ఉందన్నరు. తమకు బలం ఉన్న మేరకే సీట్లు అడుగుతామని పవన్ కల్యాణ్ స్పష్టం చేశారు. ఇక రాష్ట్రంలో ఎక్కడైతే జనసేనకు మంచి పట్టు ఉందో ఆ ప్రాంతాలలో తాను తప్పకుండా పోటీ చేస్తానంటూ ఈ సందర్భంగా పవన్ కళ్యాణ్ వెల్లడించారు. ఎన్నికలు జరుగుతాయన్న వార్తలు వస్తున్నా నేపథ్యంలో తాను జూన్ నెల నుంచి ఏపీ ప్రజల మధ్యన ఉండబోతున్నానని తెలిపారు. పొత్తులకు ఒప్పుకోని వారు ఎవరైనా ఉంటే వారిని ఒప్పిస్తానని పవన్ కల్యాణ్ స్పష్టం చేశారు. ఇదే విషయం పవన్ కల్యాణ్ ఢిల్లీలో కూడా మాట్లాడానని ఈ సందర్భంగా తెలిపారు.
