జనాలకి వారాహి వాహనాన్ని సినిమాటిక్ గా పరిచయం చేసి కొండగట్టులో దానికి ప్రత్యేకంగా పూజలు కూడా చేయించారు పవన్ కళ్యాణ్. ఎన్నో ప్రత్యేకతలు సంతరించుకున్న ఈ వాహనం ఎందుకో ప్రజల్లోకి రావడానికి మాత్రం ముహూర్తం కుదరటం లేదు. ఆయన గాని జనంలోకి వస్తే ఆ ఎఫెక్ట్ చంద్రబాబు నాయుడు కొడుకు లోకేష్ మీద పడుతుందని అందుకే చంద్రబాబు నాయుడు పవన్ కళ్యాణ్ కి గ్రీన్ సిగ్నల్ ఇవ్వడం లేదని రాజకీయ వర్గాల సమాచారం.
అయితే పుష్ప సినిమాలో అల్లు అర్జున్ తగ్గేదేలే అనే డైలాగ్ ఎంత పాపులర్ అయిందో అందరికీ తెలిసిందే. పుట్టిన పిల్లాడి దగ్గర నుంచి పండు ముసలి వరకు అదే డైలాగ్ చెప్పడం ఇప్పుడు ట్రెండ్ అయింది. ఇక పవన్ కళ్యాణ్ ప్రత్యర్ధులు మాత్రం పవన్ కళ్యాణ్ తగ్గేదే అంటూ ఆయన పై సెటైర్లు విసురుతున్నారు. ఇప్పుడు అదే పెద్ద ఎత్తున చర్చనీయాంశం అయింది.
ఫుల్ టైం రాజకీయానికి కానీ ప్రత్యామ్నాయ రాజకీయాలకు గాని వారాహిపై రావడానికి గాని అయిష్టత చూపిస్తున్న పవన్ కళ్యాణ్ మరి దేని మీద ఇంట్రెస్ట్ చూపిస్తున్నావు అని అడిగితే చంద్రబాబుని వెనకేసుకు రావడానికి మాత్రం ఊ కొడుతున్నారని. పుష్ప సినిమాలో సమంత పాటతో పోల్చుతూ పవన్ కళ్యాణ్ ని ఒక ఆట ఆడుకుంటున్నారు ప్రత్యర్థులు. వచ్చే ఎన్నికల్లో సింగిల్ గా పోటీ చేయటంపై కూడా పవన్ కళ్యాణ్ తగ్గుతున్నారంటూ వ్యంగ్యంగా మాట్లాడుతున్నారు వైసీపీ నేతలు.
