Koratala-Tarak: యంగ్ టైగర్ ఎన్టీఆర్ రాజమౌళి దర్శకత్వంలో నటించిన RRR సినిమా తర్వాత తన తదుపరి చిత్రాన్ని కొరటాల శివ దర్శకత్వంలో చేస్తున్నారు. ప్రస్తుతం ఎన్టీఆర్ కొరటాల కాంబినేషన్లో దేవర సినిమా ద్వారా ప్రేక్షకుల ముందుకు రాబోతున్నారు. ప్రస్తుతం ఈ సినిమా శరవేగంగా షూటింగ్ పనులను జరుపుకుంటుంది. ఆచార్య సినిమా డిజాస్టర్ అయిన తర్వాత కొరటాల తెరకెక్కిస్తున్న చిత్రం దేవర.
ఈ సినిమా ఆచార్య సినిమా పరిస్థితి కాకూడదన్న ఉద్దేశంతో ప్రతి ఒక్క విషయంలోనూ ఎన్నో జాగ్రత్తలు తీసుకుంటున్నారు ఇక ఈ సినిమా అవుట్ పుట్ మీద ఎన్టీఆర్ పూర్తి దృష్టి పెడుతున్నారని ఆయన ఓకే అంటేనే తదుపరి షెడ్యూల్ షూటింగ్ పూర్తి చేస్తున్నారని తెలుస్తుంది.
ఈ క్రమంలోనే తాజాగా 20 కోట్ల రూపాయలు పెట్టి భారీ సెట్లో ఒక యాక్షన్ సన్ని వేషాలకు సంబంధించిన షెడ్యూల్ పూర్తి చేశారని తెలుస్తుంది. అయితే ఈ షెడ్యూల్ రసేష్ చూసిన తర్వాత ఎన్టీఆర్ ఈ యాక్షన్ షెడ్యూల్ చిత్రీకరణ పై చాలా అసంతృప్తిగా ఉన్నారని తెలుస్తుంది. ఈ క్రమంలోనే మరోసారి ఈ యాక్షన్ సన్ని వేషాలను చిత్రీకరించాలని ఎన్టీఆర్ పట్టుబడినట్లు సమాచారం.
ఇలా 20 కోట్ల రూపాయలతో సీక్వెన్స్ షూటింగ్ పూర్తి చేసినప్పటికీ ఎన్టీఆర్ మరోసారి ఈ షెడ్యూల్ చిత్రీకరణ చేయడం కోసం భారీగానే ఖర్చు అవుతుందని తెలుస్తుంది. అయితే ఇప్పటికే ఈ సినిమా కోసం దాదాపు 300 కోట్ల రూపాయలు ఖర్చు చేసినట్టు తెలుస్తుంది. ఇలా ఈ సినిమా కోసం ఇప్పటికే ఇంత ఖర్చు చేయగా ముందు ముందు ఇంకా ఎలాంటి ఖర్చులు వస్తాయో తెలియాల్సి ఉంది.
