Aquarium: చాలామందికి ఇంట్లో పక్షులు జంతువులను పెంచుకోవడం అలవాటు. ఇంట్లో ప్రశాంతమైన వాతావరణం ఆనందం ఆహ్లాదం కోసం చాలామంది పక్షులను జంతువులను పెంచుకుంటూ ఉంటారు. కొన్ని రకాల పక్షులు జంతువులు ఆహ్లాదాన్ని, మనసుకు ఆనందంగానే కలిగించడంతోపాటు ఆర్థిక పరమైన సమస్యలను కూడా దూరం చేస్తాయి. చాలామంది ఇంట్లో అక్వేరియాన్ని పెట్టుకుంటూ ఉంటారు. అక్వేరియంలో ఎన్నో రకరకాల కలర్ ఫుల్ చేపలను పెంచుకుంటూ ఉంటారు. మరి ఇంట్లో చేపల అక్వేరియం ఉండడం మంచిదేనా? అందులో ఎటువంటి చేపలను పెంచుకోవాలి దాని వల్ల ఎటువంటి లాభం కలుగుతుందో ఇప్పుడు మనం తెలుసుకుందాం..
ఇంట్లో చేపల అక్వేరియం ఉంటే మంచిదే. దానివల్ల ఎన్నో ప్రయోజనాలు కూడా ఉన్నాయి. ఇంట్లో ఒకవేళ చేపల అక్వేరియం ఉంచినట్లయితే అందులో తప్పకుండా చేపల సంఖ్య 9 ఉండేలా చూసుకోవాలి. అలాగే అందులో 8 నలుపు ,1 బంగారు రంగు చేపలు ఉండాలి. ఈ చేపల కలయిక అక్వేరియంలో అత్యంత పవిత్రమైనదిగా పరిగణిస్తారు. ఇలా చేయడం వల్ల నెగెటివ్ ఎనర్జీ తొలగిపోయి ఇల్లు పాజిటివ్ ఎనర్జీతో నిండిపోతుంది. ఇకపోతే ఇంట్లో ఏ స్థలంలో అక్వేరియం ఉంచాలి అన్న విషయానికి వస్తే.. మీ డ్రాయింగ్ రూమ్లో 9 చేపలతో అలాంటి అక్వేరియం ఉంచడం మంచిది. వాటిని గదికి ఉత్తరం లేదా తూర్పు దిశలో ఉంచాలి. అలా కుదరని పక్షంలో ఇంటి ప్రధాన ద్వారం ఎడమవైపున ఫిష్ అక్వేరియం ఉంచడం వల్ల కూడా మంచి ఫలితాలు వస్తాయి. ఇలా చేయడం వల్ల ఇంట్లో అదృష్టం కలిసి వస్తుంది.
డబ్బు ప్రవాహం వేగంగా పెరుగుతుంది. ఎప్పుడు పొరపాటున కూడా బెడ్రూమ్లో అక్వేరియం ఉంచకూడదని గుర్తుంచుకోండి. ఇలా చేయడం వల్ల మీరు నిద్రపోయేలా చేయడం ద్వారా ఒత్తిడికి గురవుతారు. ఇది కాకుండా, చేపల అక్వేరియం చుట్టూ ఎటువంటి ధూళి ఉండకుండా చూసుకోవాలి..