Honey: ప్రస్తుత రోజుల్లో కేవలం అమ్మాయిలు మాత్రమే కాకుండా అబ్బాయిలు కూడా అందం విషయంలో ఎన్నో రకాల జాగ్రత్తలు బ్యూటీ టిప్స్ పాటిస్తున్నారు. చర్మ సంరక్షణ కోసం మార్కెట్లో దొరికే రకరకాల బ్యూటీ ప్రోడక్ట్స్ తో పాటు వంటింటి చిట్కాలను పాటిస్తున్నారు. అందాన్ని మరింత రెట్టింపు చేసుకోవడం కోసం అనేక రకాల చిట్కాలను పాటిస్తున్నారు. అయితే చర్మ సంరక్షణలో భాగంగా అందాన్ని మరింత పెంచుకునేందుకు తేనె ఎంతో బాగా ఉపయోగపడుతుంది. మరి అందాన్ని రెట్టింపు చేసుకోవడం కోసం తేనెను ఏ విధంగా ఉపయోగించాలో ఇప్పుడు మనం తెలుసుకుందాం.. తేనే చర్మ సౌందర్యానికి అనేక రకాల ప్రయోజనాలను అందిస్తుంది.
ఇందులోని మాయిశ్చరైజింగ్, యాంటీ బాక్టీరియల్ లక్షణాల కారణంగా ఇది శతాబ్దాలుగా సౌందర్య చికిత్సలో ఒక సాధనంగా ఉపయోగిస్తూ వస్తున్నారు. చర్మ సంరక్షణలో భాగంగా దీనిని ముఖానికి అప్లై చేసినప్పుడు, తేనె మీ చర్మానికి పోషణ అందించి, హైడ్రేట్ చేయడంలో ఎంతో బాగా ఉపయోగపడుతుంది. చర్మాన్ని మృదువుగా మారుస్తుంది. పొడి చర్మం ఉన్నవారికి తేనేను ఉపయోగించడం వలన చాలా ప్రయోజనం చేకూర్చుతుంది. తేనెలో సహజ యాంటీఆక్సిడెంట్ లక్షణాలు కూడా ఉన్నాయి. ఇది ఫ్రీ రాడికల్స్ వల్ల కలిగే నష్టం నుండి చర్మాన్ని రక్షించడంలో సహాయపడుతుంది.
కాబట్టి తేనెతో పాటు ఇతర పదార్థాలను కూడా ఉపయోగించి ఫేస్ మాస్క్, క్లెన్సర్ లేదా స్పాట్ ట్రీట్‌మెంట్‌గా ఉపయోగించవచ్చు. DIY Honey క్లెన్సర్… తేనె తేలికపాటి క్లెన్సర్‌గా, ముఖానికి సహజమైన ఎక్స్‌ఫోలియెంట్‌గా పనిచేస్తుంది. తేలికపాటి, ప్రభావవంతమైన ఫేస్ స్క్రబ్‌ను రూపొందించడానికి మీ రెగ్యులర్ ఫేస్ వాష్‌లో కొద్దిగా తేనెను కలపాలి.
DIY ఫేస్ స్క్రబ్… తేనె తేలికపాటి ఎక్స్‌ఫోలియంట్‌ గా పని చేసి, చర్మంపై పేరుకుపోయిన మృత చర్మ కణాలను తొలగిస్తుంది, తద్వారా లోపలిచర్మ పొరను బహిర్గతం చేసి మెరిసే ఛాయను అందించడంలో సహాయపడుతుంది. మీ చర్మాన్ని మృదువుగా, జీవకళతో పునరుద్ధరించేలా చేసే DIY స్క్రబ్ కోసం, తేనెలో ఒక చెంచా చక్కెర లేదా పిండిచేసిన ఓట్స్‌తో కలపండి. ఈ మిశ్రమాన్ని మీ ముఖానికి పలుచని పూతని పూయండి, మూడు నుండి ఐదు నిమిషాలు శాంతముగా స్క్రబ్ చేయండి. 15 నుండి 20 నిమిషాల పాటు అలాగే ఉంచి, ఆ తర్వాత శుభ్రం చేసుకోవాలి.
DIY తేనె ఫేస్ మాస్క్.. ఇందుకోసం 1 టేబుల్ స్పూన్ శనగపిండి, 1 టేబుల్ స్పూన్ తేనె, 1-2 టేబుల్ స్పూన్ పచ్చి పాలు తీసుకోండి. అన్ని పదార్థాలను కలపండి. ఆపై ఈ మిశ్రమాన్ని బ్రష్ లేదా వేళ్ల సహాయంతో మీ ముఖం మీద అప్లై చేయండి. ఆరిపోయాక సాధారణ నీటితో మీ ముఖాన్ని కడగాలి. ఇది మీ చర్మాన్ని ఆరోగ్యవంతంగా మెరిసేలా చేస్తుంది.
