Ram Charan: టాలీవుడ్ ఇండస్ట్రీలో ఉన్న క్యూట్ కపుల్స్ లలో రామ్ చరణ్ ఉపాసన ల జోడి కూడా ఒకటి. రామ్ చరణ్ సినిమాల ద్వారా భారీగా పాపులారిటీ సంపాదించుకోగా ఉపాసన సామాజిక సేవ కార్యక్రమాల ద్వారా అలాగే అపోలో హాస్పిటల్స్ యజమానిగా బాగా గుర్తింపు తెచ్చుకుంది. ఈ దంపతులకు తెలుగు రాష్ట్రాల్లో బీభత్సమైన ఫ్యాన్స్ ఫాలోయింగ్ ఉంది. ఇది ఇలా ఉంటే ఈ దంపతులు ఎప్పుడెప్పుడు తల్లిదండ్రులు అవుతారా అని గత 11 ఏళ్లుగా అభిమానులు ఎంతో ఆత్రుతగా ఎదురు చూస్తూనే ఉన్నారు.
ఎట్టకేలకు ఆ సమయం రానే వచ్చేసింది. తాజాగా జూన్ 20 న ఉపాసన పండంటి ఆడబిడ్డకు జన్మనిచ్చింది. దీంతో మెగా ఇంట్లో ఆనందాలకు అవధులు లేకుండా పోయాయి. ఇది ఇలా ఉంటే ప్రస్తుతం ఉపాసన, చెర్రీల బేబీకి సంబంధించిన ఫోటోలు సోషల్ మీడియాలో వైరల్ గా మారాయి.
ఈ ఫోటోలను చూసిన నెటిజన్లు మెగా ప్రిన్సెస్ చాలా క్యూట్ గా ఉందంటూ కామెంట్ చేయడంతో పాటు ఆ ఫోటో పై ప్రశంసల వర్షం కురిపిస్తున్నారు. కాగా చెర్రీ అభిమానులు అందుకు సంబంధించిన ఫోటోని సోషల్ మీడియాలో తెగ వైరల్ చేస్తున్నారు. మెగా ప్రిన్సెస్ చాలా అందంగా క్యూట్ గా ఉంది అంటూ కామెంట్స్ చేస్తున్నారు.
