Health Tips: డ్రై ఫ్రూట్స్ తినడం వల్ల ఎన్నో రకాల ఆరోగ్య ప్రయోజనాలు ఉన్నాయి అన్న విషయం తెలిసిందే. డ్రై ఫ్రూట్స్ లో పోషకాలు పుష్కలంగా లభిస్తాయి. డ్రై ఫ్రూట్స్ లో ఖర్జూరాలు కూడా ఒకటి. ఖర్జూరాలు ఆరోగ్యానికి ఎంతో మంచిది అన్న విషయం తెలిసిందే. మరి ముఖ్యంగా నానబెట్టిన ఖర్జూరాలు తినడం వల్ల మరిన్ని ప్రయోజనాలు చేకూరుతాయి. ఇందుకోసం రాత్రంతా ఖర్జూరాలను నానబెట్టి మరుసటి రోజు ఉదయం పరగడుపున తినడం వల్ల ఎన్నో రకాల పోషకాలు శరీరానికి అందుతాయి. నానబెట్టిన ఖర్జూరాలలో ఫైబర్, విటమిన్లు, ప్రొటీన్లు, క్యాల్షియం పుష్కలంగా లభిస్తాయి. అయితే నాన్న పెట్టిన ఖర్జూరాలను క్రమం తప్పకుండా తీసుకోవడం వల్ల ఎన్నో రోగాలు దూరమవుతాయి.
ముఖ్యంగా మధుమేహంతో బాధపడే వారికి ఖర్జూరం చాలా మేలు చేస్తుంది. ఇది తక్కువ గ్లైసెమిక్ ఇండెక్స్ కలిగి ఉంటుంది. నానబెట్టిన ఖర్జూరాలను తీసుకోవడం వల్ల రక్తంలోని చక్కెర స్థాయులు అదుపులో ఉంటాయి. అలాగే ప్రతిరోజు ఉదయాన్నే నానబెట్టిన ఖర్జూరాలను తినడం వల్ల కొలెస్ట్రాల్ అదుపులో ఉంటుంది. దీన్ని తీసుకోవడం వల్ల బరువు కూడా అదుపులో ఉంటుంది. ఇది గుండె సంబంధిత వ్యాధులను దూరం చేయడంలో సహాయపడుతుంది. అలాగే నానబెట్టిన ఖర్జూరాన్ని తీసుకోవడం వల్ల మెదడుకు ఎంతో మంచిది. ఇందులో ఉండే విటమిన్ బి జ్ఞాపకశక్తిని పెంచడంలో ఎంతో బాగా ఉపయోగపడుతుంది. ఖర్జూరాలు కేవలం ఆరోగ్యానికి మాత్రమే కాకుండా అందానికి కూడా ఎంతో మేలు చేస్తాయి.
ఖర్జూరాలలో ఉండే విటమిన్స్ చర్మాన్ని ఆరోగ్యంగా ఉంచడంతోపాటు చర్మంపై ఉండే ముడతలను తొలగిస్తాయి. అలాగే ఖర్జూరంలో ఫైబర్ పుష్కలంగా ఉంటుంది. వీటిని తీసుకోవడం వల్ల మలబద్ధకం సమస్య నుంచి ఉపశమనం లభిస్తుంది. అలాగే కడుపు సంబంధిత సమస్యలను దూరం చేయడంలో కూడా ఎంతో బాగా ఉపయోగపడుతుంది. అందుకే రోజూ ఉదయాన్నే నానబెట్టిన ఖర్జూరాన్ని తినాలి. నాన్న పెట్టిన ఖర్జూరాలు తీసుకోవడం వల్ల రోజంతా ఎంతో ఎనర్జిటిక్ గా ఉంటారు.
