ఈ హీరోలిద్దరూ కలిసి డ్యాన్స్ చేయడాన్ని మాత్రం ఫ్యాన్స్ విపరీతంగా ఎంజాయ్ చేస్తూ కామెంట్స్ చేస్తున్నారు. అంతేకాకుండా డ్యాన్స్ మాస్టర్ శేఖర్ కూడా పలు ఇంటర్వ్యూలలో దీని గురించి ప్రత్యేకంగా చెబుతూ అందర్నీ ఊరిస్తూ ఉన్నారు. దీంతో ఫ్యాన్స్ అంతా ఈ సినిమాను ఎప్పుడెప్పుడు చూద్దామని ఎదురుచూస్తున్నారు. సినిమా పాటే ఇలా ఉంటే పరస్పరం తలపడే సన్నివేశాలు ఎలా ఉంటాయోననే అందరూ ఎంతగానో ఆసక్తితో ఎదురుచూస్తున్నారు.
ఈ సినిమా హైప్ కి తగినట్లే ఓ కీలకమైన లీక్ సోషల్ మీడియాలో వైరల్ అవుతోంది. ఇంటర్వెల్ బ్లాక్ కు ముందు చిరు, రవితేజలు ఒకరినొకరు పోలీస్ స్టేషన్ లో తలపడే సీన్ ఉంటుందని టాక్ వినిపిస్తోంది. మాస్ మహారాజ ఏసిపిగా నటిస్తున్న ఈ సినిమాలో మెగాస్టార్ తనతో సవాల్ చేసే సీన్ అద్భుతంగా ఉంటుందని సమాాచారం.
తనతో సవాల్ విసురుతూ మెగాస్టార్ చెప్పే డైలాగ్ ‘సిటీకి కమీషనర్లు ఎంతో మంది వస్తుంటారు పోతుంటారు వీరయ్య లోకల్ ఇక్కడే ఉంటాడు’ అనే సీన్ చూస్తే అందరికీ పూనకాలు రావడం ఖాయమని కామెంట్స్ వినిపిస్తున్నాయి. ఇది ఇడియట్ లో ఎంత పెద్ద సూపర్ హిట్ సంభాషణో ప్రత్యేకంగా గుర్తు చేయాల్సిన పని లేదని, దానికి కౌంటర్ గా రవితేజ సైతం ఘరానా మొగుడులో ఏదీ కొంచెం ఫేస్ టర్నింగ్ ఇచ్చుకో అని చెబుతాడని, మొత్తానికి ఈ సన్నివేశం అందర్నీ అలరిస్తుందని తెలుస్తోంది.
