Imandi Ramarao-Roja: ఈ మధ్యకాలంలో రోజా నోటికి వచ్చినట్లు మాట్లాడుతూ ప్రజల విమర్శలకు గురవుతుంది. అయితే పవన్ కళ్యాణ్ లాంటి నేతను అరెయ్, ఒరేయ్ అంటూ మాట్లాడటంతో పలువురి ఆగ్రహానికి గురి అయింది రోజా. ఇదే క్రమంలో ఆమెపై తన ఆవేశాన్ని వెళ్లగక్కాడు సీనియర్ జర్నలిస్ట్ ఇమంది రామారావు. రోజా తన స్థాయి మరిచి మాట్లాడుతుంది. ఇంటికి అద్దె కట్టుకోలేని స్టేజి నుంచి కోట్ల రూపాయల ఇల్లులు సంపాదించుకునేసరికి నోరు అదుపులో ఉండటం లేదు.
అసలు ఆమెకి ఏం తెలుసు, నగరి లో చుట్టుపక్కల ఉన్న మట్టిని దొంగలించడం తెలుసు. స్టేజ్ మీద డాన్సులు వేసుకునే తన స్థాయి ఎక్కడ పవన్ కళ్యాణ్ స్థాయి ఎక్కడ. పవన్ కళ్యాణ్ ని అరె ఒరే అని పిలవడానికి ఆమెకి ఏం అర్హత ఉంది? తను ఏమైనా బొడ్డు కోసి పేరు పెట్టిందా అంటూ ఆమెపై నిప్పులు కక్కారు ఇమంది. పవన్ కళ్యాణ్ గురించి మాట్లాడుతూ మూడు పెళ్లిళ్లు చేసుకున్నాడు, రెండు చోట్ల ఓడిపోయాడు అంటూ పదేపదే మాట్లాడుతుంది. ఆయన ఎన్ని పెళ్లిళ్లు చేసుకుంటే తనకెందుకు.
ప్రస్తుతం సమాజంలో సమస్య అది కాదు కదా. అలాగే ఓడిపోయాడు, ఓడిపోయాడు అంటుంది తనకి మాత్రం ఓడిపోయిన చరిత్ర లేదా అయినా తనకి రాజకీయాలు ఏం తెలుసని.. మహా అయితే నోరు వేసుకొని పడిపోవటం తెలుసు. జగన్మోహన్ రెడ్డి కి కావలసింది ఇలాంటి వాళ్లే అంటూ రోజా ని ఏకిపారేశాడు. చంద్రబాబు నాయుడు ని అన్ని మాటలు అంటుంది రోజ. ఒకప్పుడు అదే చంద్రబాబు నాయుడు ఆమెకి రాజకీయ భవిష్యత్తుని ఇచ్చారు.
అలాంటి రోజా వయసుకి కూడా గౌరవం ఇవ్వకుండా నోటికి వచ్చినట్లు మాట్లాడుతుందంటే ఆమె దానికి కచ్చితంగా ప్రతిఫలం అనుభవించి తీరుతుంది. ఆమె అంతలా రెచ్చిపోయి మాట్లాడటానికి ఆమెకి ఉన్న అర్హత ఏమిటి.. వచ్చే ఎన్నికలలో గనక ఆమె ఓడిపోతే నగరి ప్రజలే ఆమెని తరిమి తరిమి కొడతారు అంటూ రోజా పరువు మొత్తం బజారున పెట్టేసాడు ఇమంది. మరి దీనిపై రోజా ఏవిధంగా స్పందిస్తుందో చూడాలి.
