Roja: ఆంధ్రప్రదేశ్ లో మరికొన్ని రోజులలో ఎన్నికలు రాబోతున్నటువంటి తరుణంలో ప్రస్తుతం అధికారంలో ఉన్నటువంటి నేతలందరూ కూడా సరికొత్త భజన చేయడం ప్రారంభించారు.తమకు వచ్చే ఎన్నికలలో పోటీ చేయడానికి టికెట్ ఇస్తారా లేదా అన్న భయం నాయకులలో ఉంది దీంతో ప్రతి ఒక్కరు కూడా జగన్మోహన్ రెడ్డిని పొగిడే పనిలో ఉన్నారు. ఇలా జగన్మోహన్ రెడ్డి భజన చేయడంతో ఆయన సానుభూతి పొంది వచ్చే ఎన్నికలలో కూడా టికెట్ సాధించాలని ఆరాటపడుతున్నారు.
ఈ క్రమంలోనే పెద్ద ఎత్తున మంత్రులు మాజీ మంత్రులు ఎమ్మెల్యేలు జగన్మోహన్ రెడ్డిని పొగడమే పనిగా పెట్టుకున్నారు. తాజాగా జగనన్న విద్యా దీవెన కార్యక్రమంలోభాగంగా మొదటిసారి నగరి నియోజకవర్గానికి వెళ్లిన జగన్మోహన్ రెడ్డి గురించి రోజా పెద్ద ఎత్తున పొగడటమే కాకుండా ఏకంగా జగన్మోహన్ రెడ్డిని దైవ సమానం అంటూ మాట్లాడినటువంటి తీరు అందరిని ఆశ్చర్యానికి గుర్తు చేస్తుంది.
ఇకపోతే రోజా ఇలా పొగడటం ఇది మొదటిసారి కాదు ఈమె తెలుగుదేశం పార్టీలో ఉన్నప్పుడు చంద్రబాబు నాయుడుని ఇదే స్థాయిలో పొగిడారు. ఇప్పుడు జగన్మోహన్ రెడ్డిని కూడా అదే విధంగా పొగుడుతూ వచ్చే ఎన్నికలలో టికెట్టు కోసం కాక పడుతున్నారనే చెప్పాలి . ఈ కార్యక్రమంలో భాగంగా ఈమె జగన్మోహన్ రెడ్డి గురించి మాట్లాడుతూ…
మీరు రాముడిని పూజించినా… అల్లా ను ఆరాధించినా, ఏసు ప్రభువును ప్రార్ధించినా… మిమ్మల్ని ఉన్నత విద్యలు చదివించేది మాత్రం ఆ దేవుడు పంపిన జగనన్నే’అనేశారు. అదే వేదిక మీద కూర్చున్న జగన్ ఈ ప్రసంగం వింటూ ముసి ముసి నవ్వులు నవ్వుకున్నారు. అయితే ఈ కార్యక్రమంలో భాగంగా రోజా జగన్ మోహన్ రెడ్డిని దేవుడు అంటూ పొగడమే కాకుండా చంద్రబాబు నాయుడు పవన్ కళ్యాణ్ పై కూడా తీవ్రస్థాయిలో విమర్శలు కురిపించారు.
